सुन र चाँदी दुवैको मूल्यमा गिरावट

नेपाली बजारमा मंगलबार सुन र चाँदी दुवैको मूल्य घटेको छ। नेपाल सुनचाँदी व्यवसायी महासंघले सार्वजनिक गरेको पछिल्लो विवरणअनुसार आज सुन प्रतितोला दुई लाख ३८ हजार तीन सय रूपैयाँमा झरेको छ। अघिल्लो दिन अर्थात् सोमबार प्रतितोला दुई लाख ३९ हजार सात सय रूपैयाँमा कारोबार भइरहेको सुन आज १,४०० रूपैयाँले सस्तो भएको हो।

त्यस्तै, चाँदीको मूल्य पनि घटेको छ। सोमबार प्रतितोला तीन हजार ६० रूपैयाँमा कारोबार भएको चाँदी मंगलबार ४५ रूपैयाँले घट्दै तीन हजार १५ रूपैयाँमा झरेको महासंघले जनाएको छ।

तपाईंको प्रतिक्रिया