माओवादी केन्द्रको मंगलबार बैठक, आठदलीय वाम एकता अनुमोदनको तयारी
काठमाडौं — नेकपा (माओवादी केन्द्र) ले मंगलबार दिउँसो १ बजे केन्द्रीय समिति बैठक बोलाएको छ। बैठकको मुख्य एजेन्डा आइतबार सम्पन्न भएको आठदलीय वाम एकता सम्झौतालाई औपचारिक स्वीकृति दिनु रहेको माओवादी केन्द्रले जनाएको छ।आइतबार हस्ताक्षर भएको १८ बुँदे सहमति पत्रमा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी) का अध्यक्ष माधवकुमार नेपालले हस्ताक्षर गरेका थिए।
त्यसैगरी, माओवादी केन्द्रका महासचिव चिरन पुन, समाजवादीका अध्यक्ष राजु कार्की, जनसमाजवादी पार्टी नेपालका अध्यक्ष सुवासराज काफ्ले, नेपाल समाजवादी पार्टीका अध्यक्ष महिन्द्र राय यादव, माओवादी समाजवादीका अध्यक्ष कर्णजित बुढाथोकी, र साम्यवादी पार्टीका अध्यक्ष प्रेमबहादुर सिंहले पनि सहमतिमा हस्ताक्षर गरेका छन्।
एकतापछि बन्ने नयाँ दलले पाँच कुने तारालाई साझा चुनाव चिन्हका रूपमा लिने निर्णय गरेको छ । दलको आधिकारिक नाम भने अहिलेसम्म तय भइसकेको छैन। सहमति पत्र अनुसार, पार्टीको सिद्धान्त मार्क्सवाद–लेनिनवाद हुने र आगामी छ महिनाभित्र एकता राष्ट्रिय महाधिवेशन आयोजना गरिने उल्लेख छ ।
सहमतिको कार्यान्वयनका लागि बुधबार औपचारिक एकता घोषणा र बिहीबार संयुक्त केन्द्रीय समिति बैठक बस्ने तयारी भएको छ। नयाँ केन्द्रीय समितिमा ८ सयभन्दा बढी सदस्य रहने प्रारम्भिक आकलन गरिएको छ।
तपाईंको प्रतिक्रिया
यो पोस्टलाई साथीहरूसँग शेयर गर्नुहोस्:
सम्बन्धित समाचार
धेरै पढिएको
ताजा समाचार
- श्याम घिमिरे भन्छन्– निवर्तमान सांसदहरूको हस्ताक्षर संकलन गर्दैछौं, चाँडै पार्टीमा बुझाउँछौं
- ओलीको घोषणा: म बोल्छु, अनि महाधिवेशन त्यत्तिमै सकिन्छ
- आइतबार सुनको मूल्य बढ्यो, चाँदीमा सानो गिरावट
- विशेष वा नियमित, तर पुस २९ भित्र महाधिवेशन हुनैपर्छः विश्वप्रकाश शर्मा
- सुशासन र पारदर्शिताको बाटोमा सरकार अडिग छः गृहमन्त्री