शिक्षक आन्दोलनका कारण कक्षा १२ को परीक्षा १० दिन पछाडि, बैशाख २१ देखि सुरु हुने
राष्ट्रिय परीक्षा बोर्डले जारी शिक्षक आन्दोलनका कारण कक्षा १२ को वार्षिक परीक्षा २०८२ बैशाख ११ बाट १० दिन सारेर बैशाख २१ गतेदेखि सञ्चालन गर्ने निर्णय गरेको छ। मंगलबार बसेको आकस्मिक बोर्ड बैठकले प्रधानमन्त्री केपी शर्मा ओलीको निर्देशनपछि परीक्षा सार्ने प्रस्ताव पारित गरेको हो। बोर्ड अध्यक्ष महाश्रम शर्माका अनुसार विस्तृत संशोधित तालिका र केन्द्र विवरण बुधबार (बैशाख १०) रापबोको वेबसाइट तथा विद्यालयमार्फत सार्वजनिक हुनेछ।
शिक्षक आन्दोलनले परीक्षा केन्द्र व्यवस्थापनमा समस्या आएकाले मिति हेरफेर गर्नुपरेको बोर्डले जनाएको छ। विषय–क्रम र परीक्षा समय भने यथावत् राख्ने तयारी छ। रापबोले सबै विद्यार्थी र अभिभावकलाई “आधिकारिक सूचना मात्रै विश्वास गर्न” तथा नयाँ तालिकाअनुसार तयारी गर्न आग्रह गरेको छ।
सरकारले आन्दोलनरत शिक्षक सङ्गठनसँग वार्ता तीव्र पारेको छ । शिक्षाविद्हरूले अतिरिक्त १० दिनले विद्यार्थीलाई पाठ्यक्रम दोहोर्याउन र मानसिक तनाव कम गर्न सहयोग गर्ने बताएका छन्, तर आन्दोलन दीर्घकालीन भए फेरि अनिश्चितता बढ्न सक्ने चेतावनी पनि दिएका छन्।
तपाईंको प्रतिक्रिया
यो पोस्टलाई साथीहरूसँग शेयर गर्नुहोस्:
सम्बन्धित समाचार
धेरै पढिएको
ताजा समाचार
- शेखर कोइरालाको भनाइ– मंसिरमै कांग्रेसको महाधिवेशन गरेर पार्टीलाई नयाँ ऊर्जामा रूपान्तरण गरौँ
- बजारमा फेरि सुन महँगियो, तोलाको दर २ लाख ५० हजार नाघ्यो
- जेनजी आन्दोलनमा रगत बग्यो, ओली अझै मौन छन्’: प्रचण्ड
- प्रधानमन्त्री सुशीला कार्कीको नाममा नक्कली आइडी बनाउनेमाथि साइबर ब्यूरो सक्रिय
- पहिले आफैं राजीनामा दिनुस्, तब मात्र नेतृत्वको कुरा गरौं”: एमाले नेतृ लक्ष्मी गौतमको चेतावनी