जेनजी आन्दोलनका क्षति विवरण संकलनमा सबै स्थानीय तह सक्रिय हुन मन्त्रालयको आह्वान
जेनजी आन्दोलनका दौरान देशभर विभिन्न ठाउँमा भएको क्षति सम्बन्धी विस्तृत विवरण संकलन गर्न सरकारले सबै स्थानीय तहलाई औपचारिक रूपमा अनुरोध गरेको छ। गत भदौ २३ र २४ गते भएको आन्दोलनपछि ठोस तथ्यांक आवश्यक परेकाले संघीय मामिला तथा सामान्य प्रशासन मन्त्रालयले देशका ७५३ वटै स्थानीय तहलाई पत्र पठाउँदै अनिवार्य रूपमा क्षतिको डाटा उपलब्ध गराउन आग्रह गरेको छ ।
कात्तिक २७ गते मन्त्रालयले पठाएको पत्रमा आन्दोलनका क्रममा क्षतिग्रस्त सार्वजनिक तथा निजी संरचनाको विवरण विशेष रूपमा तयार गरिएको अनलाइन पोर्टलमार्फत भर्न निर्देशन गरिएको छ। स्थानीय तहले आफूअन्तर्गतका कार्यालय, संरचना तथा प्रभावित क्षेत्रका विवरण एउटै मोडेलमा प्रविष्ट गर्नुपर्ने उल्लेख छ।
सरकारले आंदोलनपछि पुनर्निर्माण तथा मर्मतसम्भारका काम व्यवस्थित ढंगले अघि बढाउन सटिक तथ्यांक अनिवार्य भएको बताउँदै विवरण अभावमा छुटिएको कुनै पनि क्षतिको जानकारी तुरुन्त पोर्टलमार्फत अपडेट गर्न आग्रह गरेको छ।
यसअघि, गत असोज ५ गते बसेको मन्त्रिपरिषद्को बैठकले आन्दोलनका कारण भएको भौतिक, आर्थिक तथा संरचनागत क्षतिको मूल्यांकन गर्न पाँच सदस्यीय समिति गठन गरेको थियो। समितिले तथ्यांक व्यवस्थापन सहज बनाउन अनलाइन पोर्टल विकास गरी स्थानीय तहलाई प्रयोगमा ल्याउन निर्देशन दिएको थियो।
मन्त्रालयका अनुसार, तथ्यांक संकलन एकरूप, पारदर्शी र छिटो हुने उद्देश्यले केन्द्रबाटै पोर्टल बनाइएपछि अब स्थानीय तहले सीधै त्यहाँ डेटा अपलोड गर्न सक्नेछन्। सरकारले उपलब्ध गराइने तथ्यांकका आधारमा पुनर्निर्माण तथा आवश्यक बजेट व्यवस्थापनको कार्ययोजना तयार गर्ने योजना बनाएको छ।
तपाईंको प्रतिक्रिया
यो पोस्टलाई साथीहरूसँग शेयर गर्नुहोस्:
सम्बन्धित समाचार
धेरै पढिएको
ताजा समाचार
- सुर्खेतमा नेतृ शान्ता चौधरीको अचार उद्योग नजिक आगलागी, कारण छानबिनमा
- आइतबार नेपाली बजारमा सुन–चाँदीको भाउमा गिरावट
- मिथिलाको स्वरबाट संसदसम्म: मैथिली ठाकुर बने २५ वर्षकी बिहारकी सबसे कम उमेरकी सांसद
- निर्णयमा ढिलाइबारे उठेको प्रश्नबीच कांग्रेस कार्यवाहक अध्यक्ष खड्काको संयमको आग्रह
- रुपन्देहीमा मतदाता दर्ताको रेकर्ड वृद्धि: यसपालि थपिए झन्डै साढे १० हजार नयाँ नाम