मधु आचार्यको सुझाव– मंसिर २४ देखि विशेष महाधिवेशन सुरू गरौं
नेपाली कांग्रेसका केन्द्रीय सदस्य मधु आचार्यले पार्टीभित्रको विवाद समाधान र संगठन सुदृढीकरणका लागि मंसिर २४ गतेदेखि विशेष महाधिवेशन सुरु गर्नुपर्ने प्रस्ताव अघि सारेका छन्। सानेपामा शुक्रबार बसेको कांग्रेस केन्द्रीय कार्यसमिति बैठकमा बोल्दै आचार्यले पार्टीको वर्तमान अवस्थाले तत्काल विशेष कदम आवश्यक रहेको बताएका हुन्।
उनले भने, “विधानको धारा १७(२) अनुसार विशेष परिस्थितिमा विशेष महाधिवेशन गर्न सकिने व्यवस्था छ। अहिलेको समय त्यही परिस्थिति हो।” आचार्यले मंसिर २४ गते, जो कांग्रेसकी संस्थापक नेतृ मंगलादेवी सिंहको जन्मजयन्ति पनि हो, त्यसै दिनबाट विशेष महाधिवेशन सुरू गर्न आग्रह गरे।
उनका अनुसार छोटो अवधिमा पनि प्रभावकारी तयारी गर्न सकिने र यसले आगामी निर्वाचनका लागि संगठनलाई बलियो बनाउनेछ। उनले स्मरण गरे कि असोज २९ गते ५४ प्रतिशत महाधिवेशन प्रतिनिधिहरूले विशेष महाधिवेशन माग गर्दै कार्यवाहक सभापति पूर्णबहादुर खड्कालाई हस्ताक्षर बुझाइसकेका छन्।
“त्यो मागलाई बेवास्ता गर्न मिल्दैन,” उनले भने, “अब कार्यसमितिले नै जिम्मेवारी लिँदै विशेष महाधिवेशन बोलाउनु पर्छ।” आचार्यले जेनजी पुस्ताले उठाएका मागहरूलाई पार्टीले सम्बोधन गर्नुपर्नेमा पनि जोड दिए। उनका अनुसार प्रत्येक प्रतिनिधि सभा क्षेत्रबाट नयाँ पुस्ताका प्रतिनिधिहरू सहभागी हुने व्यवस्था गर्न सकिन्छ।
उनले भने, “पुराना नेताहरू हाम्रो अभिभावक हुन्, तर अब नयाँ सोच र ऊर्जा पनि आवश्यक छ।” आचार्यको भनाइ अनुसार विशेष महाधिवेशनले नेतृत्व विवाद, संगठन पुनर्संरचना र आगामी निर्वाचन रणनीतिमा स्पष्टता ल्याउनेछ। उनले निष्कर्षमा भने, “अब हामी छलफलमा होइन, निर्णयमा पुग्ने बेला हो।
तपाईंको प्रतिक्रिया
यो पोस्टलाई साथीहरूसँग शेयर गर्नुहोस्:
सम्बन्धित समाचार
धेरै पढिएको
ताजा समाचार
- शुक्रबार सुन र चाँदी दुबैको मूल्यमा वृद्धि
- मंसिर २७ देखि सुरू हुने ११औं महाधिवेशन राष्ट्रको भविष्यको मोड बन्नेछ: विष्णु पौडेल
- रामकुमारी झाक्रीको टिप्पणी : माधव नेपालले आफ्नै इतिहासलाई पुनः प्रश्नमा पारे
- कांग्रेस केन्द्रीय समिति बैठक आज पनि जारी
- अब्दुल सत्तारको प्रश्न– महाधिवेशन नगरी कांग्रेस गाउँ पस्न कसरी सक्षम हुन्छ?