स्थानीय बजारमा सुनको मूल्य पुनः उकालो, चाँदी पनि महँगिँदै
📊 यो समाचारलाई अहिलेसम्म 77 जनाले हेरेका छन्।
नेपालमा सुनको मूल्य लगातार बढ्दै गएको छ। मंगलबार पनि सुन र चाँदी दुवैको मूल्यमा वृद्धि भएको छ, जसले लगानीकर्ताको ध्यान पुनः तानिएको छ।
नेपालको सुन बजारमा मूल्य वृद्धि निरन्तर जारी छ। मंगलबार पनि सुनको मूल्य उल्लेखनीय रूपमा बढेको देखिएको छ। नेपाल सुनचाँदी व्यवसायी महासंघका अनुसार मंगलबार सुन प्रतितोला चार हजार नौ सय रूपैयाँले बढेर दुई लाख ४६ हजार चार सय रूपैयाँमा पुगेको छ। यसअघि सोमबार पनि सुनमा उल्लेखनीय वृद्धि भएको थियो। अघिल्लो दिन दुई हजार नौ सय रूपैयाँले बढेपछि सुन प्रतितोला दुई लाख ४१ हजार पाँच सय रूपैयाँमा कारोबार भएको थियो।
सुनसँगै चाँदीको मूल्य पनि उकालो लागेको छ। मंगलबार चाँदी प्रतितोला एक सय पाँच रूपैयाँले बढेर तीन हजार एक सय ७० रूपैयाँमा कारोबार भइरहेको छ। अघिल्लो दिन चाँदी तीन हजार ६५ रूपैयाँमा सीमित थियो।
