सुन–चाँदीको मूल्य नयाँ रेकर्डमा, सोमबार दुवैको भाउ बढ्यो

स्थानीय बजारमा सोमबार सुन र चाँदीको मूल्य बढ्दै नयाँ रेकर्ड कायम भएको छ। सुन प्रतितोला १ हजार ९ सय रुपैयाँले बढेर २ लाख ६० हजार ७ सय रुपैयाँ पुगेको छ भने चाँदी पनि ४५ रुपैयाँले बढेर ३ हजार ८ सय ७० रुपैयाँमा कारोबार भइरहेको छ।

नेपाल सुनचाँदी व्यवसायी महासंघका अनुसार सुन प्रतितोला १ हजार ९ सय रुपैयाँले बढेर २ लाख ६० हजार ७ सय रुपैयाँ पुगेको छ। यो हालसम्मकै उच्च मूल्य हो। आइतबार सुन प्रतितोला २ लाख ५८ हजार ८ सय रुपैयाँमा कारोबार भएको थियो। अन्तर्राष्ट्रिय बजारमा माग बढेका कारण सुनको मूल्य बढिरहेको छ।

चाँदीको मूल्य पनि सोमबार बढेको छ। आइतबार प्रतितोला ३ हजार ८ सय २५ रुपैयाँ रहेको चाँदी सोमबार ४५ रुपैयाँले बढेर ३ हजार ८ सय ७० रुपैयाँ पुगेको छ। चाँदीको यो मूल्य पनि अहिलेसम्मकै उच्च हो।

तपाईंको प्रतिक्रिया

Facebook Messenger Viber WhatsApp Email