सुशासन र पारदर्शिताको बाटोमा सरकार अडिग छः गृहमन्त्री
काठमाडौं — गृहमन्त्री ओमप्रकाश अर्यालले वर्तमान सरकारले सुशासन र पारदर्शिताको बाटो अवलम्बन गर्दै देशलाई निर्वाचनसम्मको स्थिर यात्रातर्फ अघि बढाइरहेको बताएका छन्। आइतबार सामाजिक सञ्जाल फेसबुकमार्फत् विचार राख्दै उनले गृह मन्त्रालयको जिम्मेवारी संवेदनशील रहेको र कतिपय विषयहरू सार्वजनिक रूपमा प्रस्तुत गर्न नसकिने बताएका छन्।
“गृह मन्त्रालयको प्रकृति यस्तो छ जहाँ केही कामका विषय तत्काल जनतासामु ल्याउन सकिँदैन, तर त्यसको अर्थ मौनता होइन,” उनले लेखेका छन्। हाल केही युवा–अभियन्ता र नागरिक समूहले मन्त्रालयको कामप्रति प्रश्न उठाइरहेका बेला मन्त्री अर्यालले आफू सत्यनिष्ठ भएर काम गरिरहेको र सरकार जनताको धैर्यका लागि आभारी रहेको जनाएका छन्।
उनका अनुसार, सरकारको मुख्य लक्ष्य निर्वाचनलाई सफल र विश्वासिलो बनाउँदै सुशासनको जग बलियो पार्ने हो। “हामी प्रत्येक कदममा जिम्मेवारीपूर्वक अघि बढिरहेका छौं। कार्यकालको अन्त्यमा जनतालाई धैर्यका लागि धन्यवाद दिनेछौं,” उनले भनेका छन्।
तपाईंको प्रतिक्रिया
यो पोस्टलाई साथीहरूसँग शेयर गर्नुहोस्:
सम्बन्धित समाचार
धेरै पढिएको
ताजा समाचार
- श्याम घिमिरे भन्छन्– निवर्तमान सांसदहरूको हस्ताक्षर संकलन गर्दैछौं, चाँडै पार्टीमा बुझाउँछौं
- ओलीको घोषणा: म बोल्छु, अनि महाधिवेशन त्यत्तिमै सकिन्छ
- आइतबार सुनको मूल्य बढ्यो, चाँदीमा सानो गिरावट
- विशेष वा नियमित, तर पुस २९ भित्र महाधिवेशन हुनैपर्छः विश्वप्रकाश शर्मा
- रास्वपाको सौराहा बैठक दोस्रो दिन प्रवेश, हस्ताक्षर अभियानको प्रतिवेदन पेस