ट्रम्पको दबाबबीच भारत–रुसबीच कूटनीतिक भेटघाट

अमेरिकाबाट बढ्दो आर्थिक दबाब र राजनीतिक बयानबाजीका बीच भारत र रुसबीचको रणनीतिक सहकार्य अझ सशक्त बन्ने संकेत देखिएको छ। हालै मस्कोमा भारतका लागि रुसी उपरक्षामन्त्री जनरल अलेक्ज्याण्डर फोमिन र भारतीय राजदूत विनय कुमारबीच महत्त्वपूर्ण भेटवार्ता सम्पन्न भएको छ।

अमेरिकाबाट बढ्दो आर्थिक दबाब र राजनीतिक बयानबाजीका बीच भारत र रुसबीचको रणनीतिक सहकार्य अझ सशक्त बन्ने संकेत देखिएको छ। हालै मस्कोमा भारतका लागि रुसी उपरक्षामन्त्री जनरल अलेक्ज्याण्डर फोमिन र भारतीय राजदूत विनय कुमारबीच महत्त्वपूर्ण भेटवार्ता सम्पन्न भएको छ।

रूसी मन्त्रालयको एक विज्ञप्ति अनुसार, भेटमा दुई राष्ट्रबीचको दीर्घकालीन रक्षा सम्बन्धलाई अझ व्यापक बनाउने विषयमा सकारात्मक छलफल भएको  छ। बैठक सौहार्दपूर्ण वातावरणमा सम्पन्न भएको र दुवै पक्षले आपसी रक्षा सहकार्यमा भरोसा कायम राख्ने प्रतिबद्धता व्यक्त गरेको मन्त्रालयले विज्ञप्तिमा जनाएको छ।

रूसी मन्त्रालयद्वारा जारी विज्ञप्ति अनुसार, “दुवै पक्षले रक्षा क्षेत्रमा आपसी साझेदारीलाई सुदृढ बनाउने तथा रणनीतिक संवादलाई थप प्रभावकारी बनाउने विषयमा विचारविमर्श गरे।” यो वार्ता त्यस्तो समय आएको हो जब अमेरिकी राष्ट्रपति डोनाल्ड ट्रम्पले भारतलाई रुससँगको कच्चा तेल कारोबारका कारण २४ घण्टाभित्र कडा प्रतिबन्धको चेतावनी दिएका छन्।

यस्ता चेतावनीहरूबीच भारत र रुसले आपसी सहकार्यलाई प्राथमिकतामा राखेर निरन्तर संवाद गरिरहेको स्पष्ट देखिएको छ। रक्षा विश्लेषकहरूका अनुसार, भारत–रुस सम्बन्धले द्विपक्षीय हितमाथि आधारित स्वतन्त्र परराष्ट्र नीति दर्शाउँछ। जटिल अन्तर्राष्ट्रिय परिस्थितिहरूबीच पनि यस्तो संवादले दुबै देशबीचको विश्वास र रणनीतिक साझेदारीमा दृढता देखाएको छ।

तपाईंको प्रतिक्रिया

Facebook Messenger Viber WhatsApp Email