सुनको मूल्य फेरि घट्यो, तोलाको दर दुई लाख ३७ हजार रूपैयाँमा
📊 यो समाचारलाई अहिलेसम्म 244 जनाले हेरेका छन्।
नेपालमा सुनको मूल्य फेरि घट्दै मंगलबार प्रतितोला दुई लाख ३७ हजार रूपैयाँ पुगेको छ। तिहारपछि करिब १६ हजार रूपैयाँले सस्तो भएको सुनसँगै चाँदी पनि घटेर २ हजार ९२० रूपैयाँमा कारोबार भइरहेको छ।
काठमाडौं — मंगलबार नेपाली बजारमा सुनको मूल्य फेरि घटेर प्रतितोला दुई लाख ३७ हजार रूपैयाँ पुगेको छ। नेपाल सुन चाँदी व्यवसायी महासंघका अनुसार यो मूल्य सोमबारको तुलनामा २ हजार ९ सय रूपैयाँले कम हो। तिहार यता सुनमा करिब १६ हजार पाँच सय रूपैयाँ गिरावट आएको छ।
यसैबीच, चाँदीको मूल्य पनि घट्दै मंगलबार प्रतितोला २ हजार ९२० रूपैयाँ पुगेको महासंघले जनाएको छ।
