नीतु पौडेलको निधनपछि बाबुल गिरी प्रहरीको निगरानीमा
काठमाडौँ — गायक तथा सङ्गीतकार बाबुल गिरी (धनबहादुर) जिल्ला प्रहरी परिसर काठमाडौँमा उपस्थित भएका छन्। गायिका नीतु पौडेलको मृत्युपछि प्रहरीले थप अनुसन्धान अघि बढाएको छ। प्रहरीका अनुसार, पौडेलको शुक्रबार बिहान कीर्तिपुरस्थित वर्न अस्पतालमा उपचारको क्रममा निधन भएको हो।
गत शनिबार अनामनगरस्थित गिरीकै स्टुडियोमा उनले शरीरमा पेट्रोल खन्याएर आत्मदाह प्रयास गरेकी थिइन्। त्यस क्रममा गिरी पनि सामान्य रूपमा घाइते भएका थिए। घटनापछि गिरीलाई अस्पतालबाट शनिबार साँझ डिस्चार्ज गरिएको थियो। त्यसपछि उनलाई सोधपुछका लागि प्रहरी नियन्त्रणमा लिइएको जिल्ला प्रहरी परिसरले जनाएको छ।
यसअघि पनि आत्महत्या प्रयाससम्बन्धी प्रारम्भिक अनुसन्धानका क्रममा गिरीलाई प्रहरीले बयानका लागि बोलाएको थियो। अहिले पौडेलको निधनसँगै प्रहरी अनुसन्धानलाई थप गम्भीर रूपमा अघि बढाउने तयारीमा रहेको बताइएको छ। प्रहरी स्रोतका अनुसार, प्रारम्भिक अनुसन्धानपछि मात्र घटनाको वास्तविक कारणबारे स्पष्ट विवरण आउन सक्नेछ।
तपाईंको प्रतिक्रिया
यो पोस्टलाई साथीहरूसँग शेयर गर्नुहोस्:
सम्बन्धित समाचार
धेरै पढिएको
ताजा समाचार
- श्याम घिमिरे भन्छन्– निवर्तमान सांसदहरूको हस्ताक्षर संकलन गर्दैछौं, चाँडै पार्टीमा बुझाउँछौं
- ओलीको घोषणा: म बोल्छु, अनि महाधिवेशन त्यत्तिमै सकिन्छ
- आइतबार सुनको मूल्य बढ्यो, चाँदीमा सानो गिरावट
- विशेष वा नियमित, तर पुस २९ भित्र महाधिवेशन हुनैपर्छः विश्वप्रकाश शर्मा
- सुशासन र पारदर्शिताको बाटोमा सरकार अडिग छः गृहमन्त्री