काठमाडौंमा ८ दलको एकता कार्यक्रम आज
नेपालको वामपन्थी राजनीति आज एउटा नयाँ मोडमा पुग्दैछ। माओवादी केन्द्र र एकीकृत समाजवादीसहित ८ वटा दल आज काठमाडौंको भृकुटीमण्डपस्थित प्रदर्शनी केन्द्रमा भव्य समारोहमार्फत एकता घोषणा गर्न तयारीमा छन्। कार्यक्रममा दिउँसो १ बजेबाट औपचारिक घोषणा हुने तय भएको छ।
एकीकृत दलका शीर्ष नेताहरू— पुष्पकमल दाहाल प्रचण्ड, माधवकुमार नेपाल, चिरन पुन र राजु कार्की —ले सभामा संयुक्त सम्बोधन गर्ने कार्यक्रम रहेको छ। आयोजकहरूको भनाइमा यो एकता “देशको प्रगतिशील राजनीतिक दिशालाई एक ढाँचामा ल्याउने ऐतिहासिक प्रयास” हो।
गत आइतबार आठवटै दलका प्रतिनिधिहरूले १८ बुँदे सहमति पत्रमा हस्ताक्षर गर्दै एकता प्रक्रियालाई औपचारिक रूप दिएका थिए। ती दलहरूले संयुक्त रूपमा पाँच कुने तारालाई आफ्नो साझा चुनाव चिन्ह तोकेका छन्। यद्यपि, नयाँ पार्टीको नाम भने अझै टुंगो लागेको छैन।
सहमति पत्रमा माओवादी केन्द्रका संयोजक पुष्पकमल दाहाल प्रचण्ड एकीकृत समाजवादीका अध्यक्ष माधवकुमार नेपाल, नेकपाका महासचिव चिरन पुन, नेकपा समाजवादीका अध्यक्ष राजु कार्की, जनसमाजवादी पार्टी नेपालका अध्यक्ष सुवासराज काफ्ले, नेपाल समाजवादी पार्टीका अध्यक्ष महेन्द्रराय यादव, नेकपा माओवादी समाजवादीका अध्यक्ष कर्णजित बुढाथोकी र नेकपा साम्यवादीका अध्यक्ष प्रेमबहादुर सिंहका हस्ताक्षर रहेका छन्।
सहमति अनुसार, नयाँ एकीकृत पार्टीले मार्क्सवाद र लेनिनवादलाई मार्गदर्शक सिद्धान्तका रूपमा लिनेछ। साथै, आगामी छ महिनाभित्र राष्ट्रिय महाधिवेशन आयोजना गरी औपचारिक संरचना र दीर्घकालीन योजना तय गरिने उल्लेख छ।
तपाईंको प्रतिक्रिया
यो पोस्टलाई साथीहरूसँग शेयर गर्नुहोस्:
सम्बन्धित समाचार
धेरै पढिएको
ताजा समाचार
- आइतबार सुनको मूल्य बढ्यो, चाँदीमा सानो गिरावट
- विशेष वा नियमित, तर पुस २९ भित्र महाधिवेशन हुनैपर्छः विश्वप्रकाश शर्मा
- सुशासन र पारदर्शिताको बाटोमा सरकार अडिग छः गृहमन्त्री
- रास्वपाको सौराहा बैठक दोस्रो दिन प्रवेश, हस्ताक्षर अभियानको प्रतिवेदन पेस
- हङकङ इन्टरनेशनल सिक्सेसमा नेपालको ऐतिहासिक जित — भारत ९२ रनले पराजित