जेन–जी आन्दोलनमा १९ जनाको मृत्यु, ३४७ घाइते 😥

सोमबार काठमाडौँमा भएको जेन–जी आन्दोलन निकै रक्तपातपूर्ण बन्यो। स्वास्थ्य मन्त्रालयले सार्वजनिक गरेको विवरणअनुसार साँझ ६ बजेसम्म १९ जनाले ज्यान गुमाएका छन् भने ३४७ जना घाइते भएका छन्। सिभिल अस्पताल नयाँ बानेश्वरमा मात्र ३ जनाको मृत्यु भएको छ भने

सोमबार काठमाडौँमा भएको जेन–जी आन्दोलन निकै रक्तपातपूर्ण बन्यो। स्वास्थ्य मन्त्रालयले सार्वजनिक गरेको विवरणअनुसार साँझ ६ बजेसम्म १९ जनाले ज्यान गुमाएका छन् भने ३४७ जना घाइते भएका छन्।

सिभिल अस्पताल नयाँ बानेश्वरमा मात्र ३ जनाको मृत्यु भएको छ भने १ सय जना घाइते उपचाररत छन्। एभरेष्ट अस्पतालमा ३ जनाको मृत्यु र १०२ घाइते छन्। राष्ट्रिय ट्रमा सेन्टर भोटाहिटीमा सबैभन्दा धेरै ८ जनाले ज्यान गुमाएका छन् र ५९ जना घाइते छन्।

त्यस्तै, काठमाडौँ मेडिकल कलेजमा २ जनाको मृत्यु र ३७ उपचाररत, टिचिङ अस्पतालमा १ जनाको मृत्यु र १८ घाइते छन्। धरानस्थित बिपी कोइराला स्वास्थ्य विज्ञान प्रतिष्ठानमा २ जनाको मृत्यु भएको छ भने ४ जना घाइते छन्।

यस्तै, झापाको दमक अस्पतालमा ७ जना, विराट मेडिकल कलेजमा ४ जना, गण्डकी मेडिकल कलेजमा १ जना र पोखरा स्वास्थ्य विज्ञान प्रतिष्ठानमा २ जनाको उपचार भइरहेको मन्त्रालयले जनाएको छ। आन्दोलनमा ज्यान गुमाउने संख्या १९ पुगेको छ भने धेरै घाइते अझै गम्भीर अवस्थामा छन्।

तपाईंको प्रतिक्रिया

Facebook Messenger Viber WhatsApp Email